6 արտահայտություն, որոնք պետք չէ ասել ձեր երեխաներին — Hov-Bakh
+374 98 93 06 98 hov-bakh@mail.ru

6 <<վտանգավոր>> արտահայտություն, որոնք պետք չէ ասել ձեր երեխաներին

Երեխայի դաստիարակությունը ծնողների ամենաբարձ և պատասխանատու խնդիրներից մեկն է: Եվ ծնողի կողմից ոչ տեղին հնչեցված արտահայտությունները հաճախ երեխայի մոտ սխալ պատկերացումներ են ձևավորում կյանքի մասին:

ՄԵԾԵՐԻՆ ՊԵՏՔ Է ԼՍԵԼ

Այս արտահայտությունը լսելով` երեխան մտածում է` <Բոլոր մեծերը խելացի են և լավն են և պետք է անել այնպես, ինչպես նրանք են ցանկանում>: Արտահայտությունը վտանգավոր է նրանով, որ երեխան սկսում է վստահել բոլոր մեծերին, անգամ անծանոթներին, և նրանցից ոչ մի վատ բան չի ակնկալում:

ՄԻ ԼԱՑԻՐ

Այս արտահայտությունը լսելով` երեխան կարող է մտածել, որ հույզերը ցույց տալը վատ բան է, որ դրա համար իրեն կարող են միայն նախատել: Արդյունքում նա կարող է դառնալ ավելի լռակյաց և փակ, իսկ չարտահայտված հույզերը հաճախ վերափոխվում են ագրեսիայի:

Ճիշտ կլինի ասել` << Պատմի ինչն է քեզ անհանգստացնում, ինչու ես լացում...>>

ՏԵՍ ԻՆՉ ԼԱՎ ԵՐԵԽԱ Է

Այս արտահայտությունը լսելով` երեխան սկսում է մտածել, որ ինքը մյուսներից վատն է, և անգամ իմաստ չկա որևէ բան փորձելու, միևնույն է ոչինչ չի ստացվելու: Ուրիշ երեխաների հետ համեմատելը բացասաբար է ազդում երեխայի ինքնագնահատականի վրա:

Ճիշտ կլինի ասել` <Դու նույնպես այդպես կարող ես>: Ցույց տվեք, որ հավատում եք նրա ուժերին:

,,ԽՈԶ,, ՄԻ ԵՂԻՐ

Այս արտահայտությունը լսելով` երեխան մտածում է, որ միշտ ամեն բանով պետք է կիսվի ուրիշների հետ, որ ինքը ոչինչ չունի: Այս մտքերը ժամանակի ընթացքում երեխային դարձնում են ավելի խեղճ, անինքնավստահ:

Ճիշտ կլինի ասել` արի տանք թող մի փոքր էլ ինքը խաղա քո խաղալիքով, կամ դուք կարող եք փոխել խաղալիքները ժամանակավորապես: Թույլ տվեք, որ երեխան ԻՆՔԸ ՏՆՕՐԻՆԻ ԻՐ իրերը:

ԴԵՌ ՎԱՂ Է ՔԵԶ ԱՅԴ ՄԱՍԻՆ ՄՏԱԾԵԼԸ

Այս արտահայտությունը լսելով` երեխան կարող է մտածել, որ կարելի է նաև ուրիշներից հարցնել: Եթե ձեր երեխան ձեզ հարցեր է տալիս և դուք չեք պատասխանում, նա կարող է այդ հարցերի պատասխանները ստանալ այլ` վատ աղբյուրներից:

Ճիշտ կլինի փորձել որոշակի պատասխան տալ երեխայի բոլոր հարցերին: Այդպես դուք կշարունակեք որպես հեղինակություն հանդես գալ երեխայի աչքերում և չեք կորցնի նրա վստահությունը:

Comments