+374 98 93 06 98 hov-bakh@mail.ru

ՃԱՇԸ ԵՓԵԼՈՒ ՃԻՇՏ ԵՂԱՆԱԿՆԵՐԸ

ՃԱՇԸ ԵՓԵԼՈՒ ՃԻՇՏ ԵՂԱՆԱԿՆԵՐԸ

 

Բուսական սննդի չորացման կամ երկարատև պահման դեպքում տեղի է ունենում նրա բաղադրության մեջ մտնող ջրի գոլորշիացում, որի հետևանքով փոխվում է սննդի կառուցվածքը, որն էլ հասցնում է սննդային արժեքի կորստի։

Իսկ սննդի եփման դեպքում փոխվում է նաև ջրի կառուցվածքը, որի հանգեցնում է սննդային արժեքի անվերադարձ կորստի։ Բույսի բաղադրությունը կազմող ջրի մեջ ինֆորմացիա է դրոշմված արևի, տարվա ժամանակների, հողի, օդի, մագնիսական դաշտի, աստղերի ու մոլորակների դիրքի վերաբերյալ։ Մարդը, ընդունելով այդ սնունդը, դրանով նաև ինֆորմացիա է ստանում միջավայրի մասին, որն էլ իրենից ներկայացնում է ակլիմատիզացիան, ադապտացիան (կլիմայավարժեցումը)։

Սննդի ջերմային մշակման դեպքում այդ ամբողջ ինֆորմացիան ջնջվում է կամ ձևափոխվում,որի հետևանքով ինքներս ոչնչացնում ենք կյանքի հենքը։

Սննդի ջերմային մշակումը նաև հանգեցնում է նրա բաղադրության մեջ մտնող ֆերմենտների, վիտամինների ոչնչացմանը, սպիտակուցների կառուցվածքի փոփոխությանը. արդյունքում օրգանիզմը կանգնում է մարսողական պրոբլեմների առջև։ Այն բոլոր պրոցեսները՝ չորացնելը, եփելը, աղ դնելը, տապակելը, պահածոյացնելը, որոնք փոփոխում են սննդային օբյեկտի կազմը, տեսքը, հոտը, համը, նվազեցնում են սննդի էներգետիկ պոտենցիալը:

Ամենաճիշտ ձևը մթերքները բնական, թարմ ձևով օգտագործելն է, բայց քանի որ ձմեռը, հասարակական նորմերը, սովորույթը թելադրում են իրենց պահանջները, պետք է գտնել կոմպրոմիսային եղանակը, որպեսզի սնունդը հնարավորին չափ քիչ կորուստներ կրի։ Սնունդը կարելի է եփել բուսական բարձիկների վրա՝ կաթսայի հատակին տեղադրում են կտրտված բանջարեղեն, վերից նորից բանջարեղենային շերտ, հետո լցվում է եռացող ջուր ու դրվում է ուժեղ կրակի վրա: Հենց որ ջուրը սկսում է եռման նշաններ ցույց տալ, կրակը քչացրեք, որ չեռա, սա իհարկե ձավարեղենի դեպքում, իսկ մսեղենը թողնել թույլ եռման վիճակում։ Ձավարեղենը նախօրոք 6-8 ժամ գոլ ջրի մեջ թրջելը բավականին մեծ արդյունք է տալիս սննդային արժեքի պահպանման առումով։ Բացմաթիվ հետազոտությունները ցույց են տալիս, որ ջուրը եռման հասցնելը և կրակն անջատելը, 30-40 րոպե հետո նորից կրակին դնելը ու եռման աստիճանի հասցնելը (և այդպես մի քանի անգամ, մինչև եփման ավարտը) բավականին արդյունավետ է։ Այդպիսի եղանակով պատրաստված սնունդը պետք է ուտել տաք վիճակում, սառած-տաքածվածը ավելի քիչ սննդային արժեք ունի։ Պատրաստեք այնքան ճաշ, որ ուտեք 1-2 անգամից։

Բուսական կամ կենդանական յուղով ճաշ պատրաստելիս թավայի մեջ մի քիչ էլ ջուր ավելացրեք,որ եռման աստիճանը 250 C-ից իջնի, այլապես յուղը, այդչափ տաքանալով, կոչնչացնի սննդի արժեքավոր հատկությունը։ Ընդհանրապես եփած սնունդը գերադասեք տապակածից։

Ճաշի մեջ կանաչեղենը ավելացրեք կաթսան կրակի վրայից վերցնելուց հետո։

Միկրոալիքային վառարան մի օգտագործեք, այն ոչնչացնում է սննդի ինֆորմացիոն-էներգետիկ մակարդակն ամբողջովին։ Եփված սննդի բացասական հետևանքներից մեկը սննդի մեջ գտնվող կալցիումի վատ յուրացումն է օրգանիզմի կողմից, դրա համար էլ ատամներն ու ոսկորները բավարար քանակով կալցիում չեն ստանում։ Նյութափոխանակության ժամանակ առաջացող թթվայնության չեզոքացման համար կալցիում է պահանջվում, որը օրգանիզմը ստիպված կորզում է ատամներից ու ոսկորներից։ Ահա թե ինչու քաղաքահիրթ ամբողջ աշխարհը սխալ սննդառության պատճառով տառապում է ատամների հիվանդություններից: Ճիշտ սննդառությունը մինչև խոր ծերություն ապահովում է առողջ ատամների առկայությունը։ Այս առումով հատկապես մեծ վնաս են հասցնում միսն ու շաքարը։

Եթե օգտագործվում է երկու տարբեր բնույթի սնունդ, օրինակ՝ սպիտակուց և օսլա (միս և կարտոֆիլ), ստամոքսում առաջանում է անմարս խառնուրդ, որովհետև սպիտակուցը մարսվում է ստամոքսում և 12-մատնյա աղիում, իսկ օսլան՝ բերանում (ահա թե ինչու շատ կարևոր է լավ ծամելը) և 12-մատնյա աղիում՝ բոլորովին այլ տեսակի ֆերմենտներով։ Մարսողությունների այս տարբերությունը առաջացնում է անմարսություն, թունավորում ամբողջ օրգանիզմը։ Իսկ ուտելու հետ կամ ուտելուց հետո խմված քաղցր հյութերը ստամոքսում խմորման պրոցեսներ են առաջ բերում՝ սկիզբ դնելով բազմաթիվ հիվանդությունների։

Եփված սնունդը շատ քիչ կենսաբանական ակտիվ նյութեր ունի, դրանք ոչնչանում են կրակի ազդեցության տակ, որն էլ առաջացնում է աղիքային հիվանդություններ, որովհետև ուտում են այն, ինչը պետք չէ և այնքան՝ որքան պետք չէ: Օրինակ՝ եթե խախտված է 12-մատնյա աղիի նորմալ գործունեությունը, դրա հետևանքով վնասակար փոփոխություններ են կրում վահանաձև գեղձը, մակերիկամների կեղևը, ճնշվում է ինսուլին արտադրող մեխանիզմը, ենթաստամոքսային գեղձը։ Այսպիսի խախտումը եթե տեղի է ունենում վաղ հասակում, սխալ են զարգանում երեխայի կմախքը, ատամները, մարմինը, ներքին օրգանները։

Ուտելու ժամանակ կամ ուտելուց հետո 2 ժամվա ընթացքում հեղուկ խմելը ստամոքսի թթու ստամոքսահյութը քշում-տանում է 12-մատնյա աղի, ուր միջավայրը հակառակն է՝ հիմնային է։ Դա ոչնչացնում է 12-մատնյա աղիի պաշտպանիչ լորձը՝ առաջացնելով խոցեր, բորբոքումներ, սա էլ շղթայական ռեակցիայի հետևանքով հասցնում է ճարպակալման, մարմնի ջերմաստիճանի անկման (սառը ծայրանդամներ), արյան կազմի վատացման, նյութափոխանակության խանգարումների։ Եփված, սխալ համակցված սնունդը նպաստում է հաստ աղիում նեխման միկրոօրգանիզմների բազմացմանը, որոնց գործունեության արգասիքները, աղիներից արյան մեջ ներծծվելով, թունավորում են ամբողջ օրգանիզմը։ Առաջանում է փորկապություն իր հետևանքներով՝ հաստ աղիի կոլիտ, քաղցկեղ։

Լյարդը, չհասցնելով չեզոքացնել սխալ սննդառության հետևանքները, խցանվում է, խախտվում է գործունեությունը՝ առաջացնելով հիվանդություններ։ Ենթաստամոքսային գեղձը ֆունկցիայի անկում է ապրում, որն էլ առաջացնում է շաքարախտ, անմարսելիություն բարակ աղիներում։

Կենսաբանական ակտիվ նյութերի պակասը (պատճառը՝ հում բուսական սննդի պակասը և բնության օրենքների անտեսումը) հանգեցնում է տոնուսի անկման, մսեղենով, թունդ թեյով, սուրճով, ծխախոտով ու ալկոհոլով հրապուրման, քանի որ վերջիններս ժամանակավոր խթանիչներ են հանդիսանում։ Իսկ այդպիսի սննդակարգը հանգեցնում է վաղաժամ ծերության, հիվանդությունների, և կյանքը բարիքից վեր է ածվում բութ, անիմաստ ու տանջալի գոյության

Comments