Ծուռը նստենք, շիտակ խոսենք (Սեդրակ Առաքելյան) — Hov-Bakh
+374 98 93 06 98 hov-bakh@mail.ru

Ծուռը նստենք, շիտակ խոսենք (Սեդրակ Առաքելյան)

Ծերանալուց հետո շատերն են գնահատում ժամանակը, իսկ խելոքները` նախքան ծերանալը։

 

 

 

Ով ձգտում է նպատակի` նա չի նայի ժամանակի։

 

 

 

Հոգու խռովքը մարդուն ավելի խորն է կապում կյանքին։

 

 

Ով սիրում է հողն ու հերկը, նա է զգում գարնան հևքը։

 

 

 

Թե որ շատ քնես ծառերի հովին, դու կուլ կգնաս ձմեռվա սովին։

 

 

 

Շվիդ կտրիր քո անտառից` երգ հյուսիր քո բառ ու բանից։

 

 

 

Ծովն առանց ալիք չի լինի` պիտի նավավարը հմուտ լինի։

 

 

 

Միշտ խոսում է բարությունից, սիրտն է պայթում չարությունից։

 

 

 

Ուրիշի սխալն ուղղելիս` ինքդ անսխալ պիտի լինես։

 

.

 

Հողին խաբողը ծնողին չի խնայի։

 

 

 

Սիրո հայրենիքը բարոյականությունն է։

 

 

 

Ապրել` կնշանակե ճամփորդել կյանքում։

 

 

 

Աննորմալների շրջանում նորմալն աննորմալ է դիտվում։

 

.

 

Պարզ ոճը հարթ ճամփա է, խճողվածը` քարքարոտ։

 

.

 

Սիրել նախ մարդը, հետո ազգականը։

 

 

 

Խելոքը խելոքին այնքան խելք չի սովորեցնում, որքան հիմարը հիմարին հիմարություն։

 

 

 

Կան մարդիկ, որ կարճ կյանք ունեն, բայց երկար են ապրում;

 

 

 

Երանի նրան, ով իր մտքերի հորիզոնն իր իսկ աչքերով է տեսնում։

 

.

 

Ապրել դեռ չի նշանակում վայելել. վայելել` չի նշանակում ապրել։

 

 

 

Խելոքները գործող անձինք են, տխմարները` հանդիսատես։

 

 

 

Արտասուքը աչքը կծանրացնե, բայց սիրտը կթեթևացնե։

 

.

 

Կան տաղանդներ, որ չեն երկնում, ավա՜ղ, կան երկնողներ, որոնք տաղանդներ չեն։

 

 

 

Լավ համբավը կրիայի քայլերով է առաջանում, վատը` լույսի արագությամբ:

 

 

 

Կարելի է շատ կարդալ` քիչ սովորել, քիչ կարդալ` շատ սովորել։

 

 

 

Խելոքներին դաստիարակում են, անխելքներին` մարզում։

 

 

 

Մարդու դեմքը ամենակատարելագործված դիմակն է։

 

 

 

Մեծ մարդը նա է, ով բարձր դիրք ունի, բայց իրեն բոլորին հավասար է զգում։

 

 

 

Գիտակը գիտնական չէ։

 

 

 

Հոգսի մեջ ստեղծագործական միտքը թաղվում է այնպես, ինչպես ծովում նստած քարը։

 

 

 

Անձդ զոհիր հազար անգամ, պատիվդ` ոչ մի անգամ։

 

 

 

Հիմարի հետ չխոսել կնշանակե` ժամանակ շահել։

 

 

 

Գազանն անգութ է, երբ սոված է, մարդը` փոքրոգությունն է։

 

 

 

Մեծամտությունը փոքրուղեղություն է։

 

 

 

Ազնիվները նրանք չեն, որ ազնվություն են դրվատում, այլ նրանք, որ գործով ազնիվ են։

 

 

 

Ավա՜ղ, ինչքան շատ ենք քննադատում այն, ինչ որ չգիտենք։

Comments