ԱԶՆՎԱՄՈՐԻ (МАЛИНА) — Hov-Bakh
+374 98 93 06 98 hov-bakh@mail.ru

ԱԶՆՎԱՄՈՐԻ (МАЛИНА)

Ազնվամորին հիմնականում աճում է սննդանյութերով հարուստ և խոնավ հողերում: Պտուղները պարունակում են խնձորաթթու, կիտրոնաթթու, սալիցիլաթթու, ֆոլաթթու, կապրոնաթթու, մրջնաթթու, վիտամիններ C և B, շաքարներից՝ սախարոզ, գլյուկոզա, ֆրուկտոզա, լևուլոզա, դեքստրոզա, ինչպես նաև դաբաղանյութեր, ցիանիդին-քլորիդ, բենզալդեհիդ, քիմիական տարրերից՝ նատրիում, կալիում, կալցիում, մագնեզիում, պղինձ, ֆոսֆոր, երկաթ: Սերմերը պարունակում են մինչև 14,6% ճարպայուղ  0,7%  ֆիտոստերին, որի ունի հակասկլերոտիկ հատկություն, պեկտինային  նյութեր, լորձանյութ, սպիրտ, եթերայուղ: 100 գ պտուղը, յուրացվելով օրգանիզմում, տալիս է 41 կկալ էներգիա:

. Ժողովրդական բժշկության մեջ ազնվամորու պտուղների թուրմը լայնորեն կիրառում է գրիպի, քրոնիկական ռևմատիզմի  ժամանակ: Պտուղները լայն կիրառում ունեն լնդախտի, սակավարյունության, ստամոքսի ցավերի, տենդային հիվանդությունների ժամանակ: Լավացնում է մարսողությունը և սթափցնում ալկոհոլային հարբածությունից:

. Ազնվամորին ունի քրտնամուղ, ջրմություն իջեցնող հատկություն, միզամուղ է: Հակացուցված է պոդագրայով և նեֆրիտով տառապող հիվանդներին:

. Բույսի տերևները ճանաչում են գտել լուծի բուժման մեջ, կոկորդի հիվանդությունների, ստամոքսային արյունահոսությունների, փսխման, դաշտանային խանգարումների ժամանակ:

. Ծաղիկների եփուկը թրջոցների ձևով օգտագործվում է դեմքի պզուկների համար:

. Տիբթական բժշկության, մեջ ազնվամորու պտուղները և տերևների թուրմը լայն կիրառում ուներ նևրասթենիայի, մի շարք նևրոզների, սուր և քրոնիկական մի շարք վարակների բուժման  ժամանակ:

Comments